Sei urte igaro dira jada udaberriko jostailu truke merkatua martxan jarri zenetik, eta aurten ere ekimenak kaleak girotuko ditu. Eguraldi eguzkitsu eta beroarekin batera, udaberriari eta udari begira erabilgarriak diren jostailuak trukatzeko aukera eskainiko dute Txatxilipurdi elkarteko egitasmo honetatik, jolasa, gozamena eta lagunarteko harremanak sustatzen jarraitzeko helburuarekin.

Antolatzaileek herritarrak animatu nahi dituzte etxean erabiltzen ez dituzten jostailuak berrikusi eta beste haur batzuentzat erabilgarriak izan daitezkeen objektuak ekartzera. Edozein motatako jostailuak trukatu ahal izango dira, baina uda gerturatzen ari denez, bereziki hondartzan edo igerilekuetan erabiltzen diren jostailuak ekartzea gomendatu dute: kuboak, palak, eskuareak, kometak, urpeko jolasetarako materiala, ureztontziak, hondarrerako jostailuak edo disko hegalariak, besteak beste.

Jostailuak jasotzeko hiru hitzordu antolatu dituzte:

  • Maiatzaren 26an, Arimazubi plazan, 18:00etatik 18:45era
  • Maiatzaren 27an, Biteri plazan, 18:00etatik 18:45era
  • Maiatzaren 28an, Santamarinako ludoteka aurrean, 18:00etatik 18:45era

Gainera, egun horietan guztietan jostailuak Txatxilipurdiko bulegoan ere entregatu ahal izango dira, goizeko 9:30etatik 13:30etara.

Ekartzen den jostailu bakoitzaren truke txartel bana jasoko dute parte-hartzaileek. Txartel horiek ekainaren 4an egingo den jostailu truke azokan erabili ahal izango dira. Ekitaldia Santa Barbara parkean izango da, ur txorroten inguruan, 18:00etatik 20:00etara. Trukeaz gain, jolas erraldoien tailerra ere antolatuko dute arratsaldea girotzeko.

Antolatzaileek gogorarazi dute jostailuek hainbat baldintza bete behar dituztela: egoera onean eta osorik egotea, indarkeria sustatzen duten jostailuak ez ekartzea —uretako pistolak barne— eta sexu bereizketa sustatzen duten jostailuak baztertzea