Lehen Hezkuntzako laugarren mailako ikasgela bateko neska-mutikoek, ETS talde ezagunaren Zurekin batera kantua, zeinuen hizkuntzara ekarri dute bideoklip eta guzti. Orereta Ikastolako ikasgela horretan, modu horretara komunikatzen den ikasle bat dute, eta ikasturtean zehar ikasi duten hori erakutsi nahi izan dute, argitaratu berri duten ikus-entzunezkoaren bitartez.

Egun gutxian, sare sozialen bitartez, oihartzun handia lortu du bideoklipak, eta kantuaren jabe diren ETSko musikariek ere euren esker ona adierazi nahi izan diete hori egin duten ikasleei, Facebook bitartez. Mezu hau idatzi dute, bideoklipa erakutsi duten argitalpenean: “Mila esker zuen lanagatik eta gizarteari egin diozuen opariagatik. Besarkada handi bat zuen lagunen partez”.

Gozatu bideokliparekin!