Jostailuak edo haurren jolasa laguntzeko materialak aukeratzeko eta oparitzeko garaian sartu gara, olentzero eta bestelakoak. Askotan, onena eman nahian, ilusioz baino ardura eta kezkaz bizi ditugun erabakiak izaten dira. Guraso moduan kudeatzen ditugun erabakiak edo gure kontroletik kanpo etxera iristen diren bestelako jostailu eta materialak.

Hona hemen jostailu edo jolasa elikatuko duten materialak aukeratzeko 5 aholku eta gehiago.

1-kalitatea

Jostailu batek urte asko irautea nahi badugu, baita gure bilobek erabil dezaten ere, kalitatea erosi behar duzue eta, apurtzen bada, konpondu ahal izatea da egokiena.

Egurra bereziki gustatzen zaigu, apurtzeko zaila da eta apurtuz gero ere badu bere xarma, zurezko jostailu bat hautsi eta berriz kolatzen denean, orbaina gordeko du betiko, min hartzen dugunean pertsonei gertatzen zaigun bezala.

2. jolasaren garapena ezagutu

Etorkizunean jostailu batekin zer egingo duten irudikatu ahal izateko, jolas autonomoaren oinarrizko ezagutza behar da. Elikadura osasungarriaren oinarrizko 4 arauak ezagutzen ditugun bezala, jolasa nola garatzen den jakin beharko genuke; horrela, argi izango dugu jostailu batek etorkizunean funtziona dezakeen edo ez.

3 Material irekiak eta jolas anitzak ahalbidetzen dituztenak

Material ebolutiboek askotariko erabilerak ahalbidetzen dituzte, eta jolasaren protagonismo osoa haurrei uzten diete.

Egurrezko kamioi sinple bat, zer den erraz zehazten ez dena, anbulantzia, suhiltzaileen kamioi edo karga-furgoneta bihurtuko dute.

4 Ostau eta osagarritu daitekeenak

Orain arte aipatu dizkizuegun ezaugarriak dituzten jostailuak etxean dituzuenekin ondo konbinatu ohi dira, beste materialak aberastuz eta jolasteko aukerak zabalduz.

Funtziona diezazuekeen ideia jostailu berria besteen osagarri izango dela uste duzuenaren ondoan uztea da. Haiek arduratuko dira egiaztatzeaz!

5- Interesa mantendu eta galderak eragingo dituena

Ondo aukeratu baduzue, materialak edo jostailuak denboran zehar beren interesa mantentzea lortuko dute, jolas-etapa bakoitzean gauza desberdinak aurkitzeko aukera ematen baitie.

Ondorioa

Material ebolutiboak, batez ere, jolaserako leiho irekia dira, eta baita, helduak garen aldetik, kontsumora eta iraupen gutxiko objektuetara bideratutako mundutik aldentzeko aukera ere.

Ziur gaude, zuen oroimenari heltzen badiozue, urteetan lagun izan duzuen jostailuren bat etorriko zaizuela burura, begiak itxiz gero oraindik ere haren ukimena behatzen artean usaindu eta nabaritu ahal izango duzuena eta urteetan jolasten aritu zaretena.

Eta asmatzen ez baduzue, haurrari interesatzen ez bazaio, udako truke merkatuan edo datorren urteko beguko jostailu truke merkaturen batean trukatzeko aukeraz gogoratu!

Aholku hauek jugar y jugar egitasmotik jaso ditugu.

Aholku gehiago nahi? gogoetarako aitzakiak nahi? hemen guraso.eus egitasmoan argitaratutako batzuk:

Gabonak: nola aukeratu jostailu egokia?
Hizketa estimulatzeko jostailurik onena
Itsaso Pagoaga: “Aukera egokia izan daiteke uda honetarako orain arte erabili ez ditugun bestelako espazio batzuk erabiltzea jolaserako”
Zertarako jostailuak? Teresa Godall
Naturako objektu oro ezberdina da eta plastikozko jostailuek baino zentzumen konplexutasun handiagoa dute
Opariak
Panpina hipersexualizaturik ez