Ezagutzen  duzue edo entzun duzue inoiz natura faltagatik  nahastea?

 Richard Louv idazle eta kazetariak idatzi zuen honetaz  “Last child in the woods” liburuan. Bertan, haurrek gaur egun arte jasan duten naturaren bereizketari buruzko ikerketa egin zuen. Hortik eratortzen diren ondorio negatiboez jabetzeak  inguru naturalaz berriro gozatzera bultzatzen gaitu.

“Gaur egun, haurrak ingurumenaren aurkako mehatxu globalen jakitun dira, baina haien kontaktu fisikoa eta naturarekin duten harreman  intimoa desagertzen ari dira”

Richard Louv

Hausnarketa honek, natura eta eskaintzen dituen baliabideak baliatuz haurrei hura zaintzen, errespetatzen  eta merezi duen balioa ematen irakasteko aitzakia eskaintzen digu.

Badirudi, orokorrean gero eta gehiago aldendu garela naturagandik, bere aldaketetatik, bere hotz-beroetatik , bere usain eta koloreetatik. Gero eta gehiago sartu gara gure kutxatxo txikietan eta arrazionalki ideala denaren bila jo dugu. Ez gara bustiko ez dugu hotzik pasako ez eta berorik ere! Ez gara lokatzetan zikinduko!


Pandemiak, inoiz baino gehiago naturarekin harreman hori berreskuratzeko aitzakia eskaini zigun, gurasotasunetik eta hezkuntzatik, bizi ditugun sistema guztietan balioan jarri beharko genuke naturak eskaintzen dizkigun onurak.

Askatasuna, arnastea, bizipoza, irakaskuntza, medizina, sustraitzea , esperimentazioa, gozatzea, esplorazioa, errespetua, gozamena, plazerra, nortasuna, esperientzia, autonomia, jakinmina, heziketa, pakea, bizitza, lasaitasuna konexioa…

Hitz hauekin lotu zuten naturan jolastea Txatxilipurdi elkarteak 2021. urtean abiatu zuen “Berdean hezi” zozketan parte hartu zuten lagunek. Hitz bakarrarekin erantzutea eskatu genien: Zer suposatzen du zuretzat naturan jolasteak?

Ariketa berdinean, garbi gelditu zen parte hartzaileek naturarekin harreman gehiago izatea nahiko zutela eta pandemiak behar hau areagotu duela.

Hausnarketa honekin egiten du bat Putzuetan plast! ekimenak hirugarren urtez jarraian aitzakiak eskaini nahi dugu naturak eskaintzen digun baliabide xume honetaz gozatzeko… aurkitu zuen inguruko putzu aproposa  eta egin plast!