Nerea Loiola: “Literaturak erreakzioren bat izan behar du gugan”
rakurtzea ez da beti erraza. Eta, egia esan, ez luke izan behar. Asko gustatzen zait Maria Teresa Andruetto idazle argentinarrak proposatzen duen ideia hori: zailtasunaren apologia egitea, alegia. Andruettok gogorarazten digu literatura ez dela leku segurua, ez duela erosotasunik eskaintzen. Irakurtzeak arriskua dakar —galderak, zalantzak, ezinegona—. Eta hori da, hain zuzen, literaturaren indarra: astintzen gaituela, mugiarazten, gure barreneko ilunpeetan argi txikiak pizten.
